Vo Nuwara Eliya simmer mitem Zug uf Badulla. Dasmal isch de Zug ūberfūllt xi mit Touriste, glūcklicherwiis sind die all in Ella usgstige und mir hend ois scho uf e entspannti Zugfahrt gfroit. Aaaber dem war nicht ganz soo….nach öppe zwei Statione isch de Zug nūm wiiter gfahre und e Frau hed ois mitteilt, dass sgeleis kaputt isch und mir innen Bus umstige selled oder warte bis zuggleis repariert isch.
Da mir kei bock gha hend innen ūberfūllte bus zstige hemmer ois entschide zwarte bis alles repariert isch.
Anstatt sich ūber das ganze ufzrege hend dlüt da ziit gnutzt zum umelaufe, mit de chind spile , esse und musigmache…wo de adi grad involviert worde isch und mit de jungs im wage voll abgange isch
Geg de abig isch sgleis denn repariert xi und oisi reis nach Badulla wiitergange.
In Badulla selber hemmer nur ūbernachtet und sind am negschte morge am 6.30 uf de Bus richtig Meer.
Nach sechs stund fahrt dur berge simme eeeeendlich in Arugambe acho. Euse busfahrer wo am morge no super sympatisch drihgluegt hät,hät mehreri stops ihgleit zum sich betelnuss zkaufe…nach de ungefär 7te portion hätter dementsprechend alli gsichtszüg verlorehend und hät nüm so super usgseh Mir händ relativ schnell es cools Hotel gfunde mitem chilligste Hotelbsitzer ūberhaupt.
Er hed jede abig carom mit ois gspilt und isch soo nett xi zu ois dasmer sgfühl gha händ Paschas zsie
Wie det wo mer hend welle fisch kaufe und ois die iheimische hend welle abzieh isch de rakees extra mit ois uf de märt und hed alles nötige zu lokalprise organisiert.
Ned nur das er hed sogar fūr ois kochet und es isch excellent xiii!! Wohlbemerkt ohni jeglichi forderige und mit aller selbstverständlichkeit…
A dem abig hemmer ois eigentlich welle mit de Pia undem Eric (zwei dūtschi wommer im zug richtig badulla kenneglernt hend)treffe, hend si aber leider am Strand ned gfunde und sind stattdesse mitme local und zwei tschechinne ane electroparty. Die isch ganz witzig xii aber ned verglichbar mit partys ide schwiiiz…Aber wie immer „mir trinked nur eis“ und im hindergrumd guete techno simmer bis am 3 am morge abgange…
uf jede Fall hemmer en luschtige abig gha ubd oise erschti schwiizerkolleg de joschi kennehlernt. Am negste tag simmer frūeh ufgstande und an elephantrock go surfe.
Es isch en super tag mit super welle xi..de adi hed echt guuet chene surfe und ich han mis beschte gee zum dwelle verwūtsche. Hät denn schlussendlich au klappet 🙂
Han mit de Pia aber recht spass gha au wemmers ned sooo guuet hend chöne. De Adi isch pauselos am padle gsie biser fascht kolabiert isch…Zum glück hämmer am morge immer selber fruchtsäft chöne mixe im hotel…Somit surfenergie händ chönne samle
Ich han uf jede Fall fascht meh ziit mit mich icreme verbracht und mir trotzdem en ūble sunebrand gholt…
Mir sind natūrlich au uf de rock ufeklettered und hend dussicht gnosse.
Am abig hemmer denn fūr de joschi i eusem hotel kochet und de adi heds bizli ūbertribe mitem chilligwūrz…mer heds zum glūck gad na so knapp chöne esse. Die iheimische händesse gliebt.
Da dwelle sooo guet xi sind simmer am negste tag mitem joschi gad namal an gliche platz go surfe.
Am morge hemmer viil affe und sogar es tots Krokodil am strand gfunde.
Am spötere namittag hemmer ois denn mitem bus uf de weg richtig Batticaloa gmacht und sind dank oisem formel eis busfahrer au scho nach knapp zweu stund det acho.(Normal wäri 3 stund) Mir hend e wunderschönii ziit gha in Arugambe und das hauptsächlich weg de super Mensche wommer um ois ume gha hend.
Mir sind so dankbar und werdet oisi täg da nie vergesse und sicher widermal dahi zruggcho…
Danke und Peace.
...und tschüüss!! 
Es freut mich sehr, dass iehr beidruckt sind und es euch gfallt. Ich füehle mit euch. Trotzdem bin ich jetz lieber do uf em Hock. Wer weiss…
Gnüssets und de nöchscht isch uf euch ;-))
Kussis Toni
LikeGefällt 1 Person